Luister Aanlyn

Luister Lichvaal Stereo aanlyn enige plek in die wereld van Duitsland tot Dubai!

Luister Nou Epos na Ateljee

Mark Aanwysers

Vonkelvrou

Marlette, die Vonkelvrou van Lichvaal Stereo nooi jou vriendelik om elke weeks oggend om 9 uur by haar aan te sluit vir 'n verskeidenheid onderwerpe. Maandae raak ons stil en kry kos vir die siel, Dinsdae bak en brou ons, Woensdae leef ons gesond, Donderdae praat ons oor alles en nog wat en Vrydae kuier ons by ons kontrei se mense; oud en jonk. Kom lag, leer, leef en "vonkel" saam my, Marlette, in Vonkelvrou.

Print
11
Apr

VINNINGE RAAD: HAND- EN VOET KURE

on Thursday, 11 April 2013 15:11.

Heerlik om weer met jou te gesels en 'n oorsig te gee oor vandag se VONKELVROU program.

Sukkel jy met eelte op jou hande?  Afgesien van 'n professionele afskilfering, kan jy dit tuis ook doen.  Maak jou hande klam en meng growwe seesout (of suiker) met 'n baie ryk room.  Vryf goed in jou hande in, spoel af en smeer jou hande met 'n ryk handeroom.  Jy kan ook die eelte saggies met 'n amarilvyl behandel, maar onthou SAGKENS is die wagwoord.  Doen dit eerder elke dag in plaas van om dit die eerste keer die stukkend te vyl.  Naels wat bros is en maklik breek is dikwels as gevolg van 'n mineraaltekort.  Praat met jou apteker of dokter oor die geskikte aanvulling. Jy kan ook jou naels met 'n versterkende produk behandel.

Indien jy heeldag op jou voete staan en sukkel met spataartjies, is die beste raad om kompressiekouse te dra.  Die kouse sal die are saamdruk en bloed opwaarts laat terugbeweeg. Sit  saans wanneer jy ontspan met jou voete hoer as jou hart, dit sal ook met bloedsomloop  help. Jy kan ook laserterapie oorweeg as jy baie desperaat is, maar hou in gedagte dat die spatare kan terugkeer indien jy jou voete weer afskeep.  Vir gebarste hakskene, week jou voete in warm soutwater, skuur sagkens met puimsteen en smeer goed in met 'n ryk voetroom wat urea bevat.  Draai jou voete in kleefplastiek toe, trek sokkies bo-oor aan en hou dit oornag so. Vir voete wat moeg is, kan jy lekker warm water gebruik met growwe sout in en jou voete daarin week.  Dit doen wondere vir voete wat baie hard werk.

Wonderlike dag vir jou.

Mooi bly.

ESTELLE

 

Print
10
Apr

Die Innerlike Saboteur/Skep 'n werklikheid met jou woorde

on Wednesday, 10 April 2013 17:02.

Laas week, 3 April 2013, het Dr Tessa van Wyk met ons gesels oor die "innerlike saboteur". Dit is die monster wat jou wysmaak jy kan niks doen nie,  is nie in staat om jou drome te verwesenklik nie en wat jou minderwaardig laat voel.  Dit is ook wanneer jy 'n taak of take aanpak en dit telkens nie voltooi nie, wanneer jy elke keer misluk met 'n dieet.  Jy moet bewus raak van hierdie saboteur in jou lewe en keer dat jy jouself ook saboteur.  Jy moet vir jouself mylpale stel om jou doel te bereik.  Wanneer 'n persoon jou verkleineer of minderwaardig laat voel, moet jy dit nie jou eie maak nie.  Mense verkleineer gewooonlik ander om beter oor hulself te voel.  Leer om bo die negatiewe te leef.

Vandag se onderwerp was SKEP 'N NUWE WERKLIKHEID DEUR JOU WOORDE. Programeer jou onderbewussyn  met die positiewe.  Verander die manier waarop jy oor jouself praat.  Ons moet onthou woorde het skeppingskrag.  Werk doelbewus daaraan om jou onderbewussyn met positiewe en opbouende gedagtes en dade te voed.  Die Here het vir ons elkeen sy eie pakkie met gawes en talente gegee.  Dis nie te se as jy nie goed is in een veld, bv wiskunde, dat jy 'n mislukking is nie.  Werk daaraan om jou ware talente en gawes te ontdek en dit uit te leef.  Moenie bang wees om te waag nie.  Daar gaan verseker foute wees, en jy kan dalk 'n paar keer misluk, maar hou aan en ontwikkel so vir jouself 'n nuwe werklikheid.

Dr Tessa van Wyk se kontaknr is 082 804 9886.  Daar is hulp, ja, vir JOU ook.

Mooi bly

ESTELLE

 

 

Print
09
Apr

HEERLIKE KERRIEHOENDER

on Tuesday, 09 April 2013 15:15.

In vandag se VONKELVROU het ons oor kerriegeregte gesels. Het jy geweet dat elke land en elke streek se kerrie anders smaak omrede daar sekere speserye bygevoeg of uitgelaat word? Die basiese bestanddele van kerrie is komyn, kaneel, naeltjies, knoffel, neut, rissiepoeier, koljander, gemmer en masala (wat ook weer 'n kombinasie van speserye is). Jy kan ook jou eie kerriemengsel maak.  Volgende week gee ons die resep daarvan.

HEERLIKE KERRIEHOENDER

10 hoenderborsies ontbeen en ontvel, 750 ml hoenderaftreksel

Vir die sous:  2 uie, gekap, 75 ml koekmeel, 625 ml hoenderaftreksel, 15 ml kerriepoeier, 20 ml borrie, 2 appels, geskil, ontpit en gerasper, 250 ml rosyne (of sultanas), 20 ml suurlemoensap, 10 ml bruinsuiker, 2 lourierblare, sout en peper na smaak, 2 piesangs in skyfies, 250 ml room

Kook hoender vir 12 minute in aftreksel.  Dreineer, laat effens afkoel en vlok. Verhit bietjie olie en soteer ui. Roer meel in tot uie bedek is. Roer aftreksel geleidelik by. Voeg oorblywende bestanddele, behalwe piesangs en room by. Roer hoender by en prut tot lekker sag oor LAE hitte. Verwyder lourierblare, roer piesangs en room by, maar deurwarm en bedien dadelik soos verkies.

Ek nooi jou uit om my te kontak by www.lichvaalstereo.co.za.  Jy is baie welkom om voorstelle vir kosprogramme in te stuur.  Indien jy 'n spesifieke resep soek, of net wil gesels of wenke en raad in en om die huis nodig het, VONKELVROU is daar vir jou.

Mooi bly 

 

 

Print
09
Apr

Kosprogram

on Tuesday, 09 April 2013 08:42.

Vandag gesels ons oor heerlike kerriegeregte. Van Maleisies tot boerekerrie. Resepte beskikbaar by Lichvaal Stereo se kantore tussen 8 en 13.00.  Geniet dit saam met ons.

Kontak Vonkelvrou

captcha
Reload