Luister Aanlyn

Luister Lichvaal Stereo aanlyn enige plek in die wereld van Duitsland tot Dubai!

Luister Nou Epos na Ateljee

Mark Aanwysers

Vonkelvrou

Marlette, die Vonkelvrou van Lichvaal Stereo nooi jou vriendelik om elke weeks oggend om 9 uur by haar aan te sluit vir 'n verskeidenheid onderwerpe. Maandae raak ons stil en kry kos vir die siel, Dinsdae bak en brou ons, Woensdae leef ons gesond, Donderdae praat ons oor alles en nog wat en Vrydae kuier ons by ons kontrei se mense; oud en jonk. Kom lag, leer, leef en "vonkel" saam my, Marlette, in Vonkelvrou.

Print
23
Apr

MET RAAT EN DAAD

on Tuesday, 23 April 2013 15:54.

Wie hou  nie van doeltreffende rate en raad nie? Ek deel vandag met jou sommige rate wat ons vandag in VONKELVROU hanteer het.

Asyn is 'n groot hulpmiddel wanneer dit kom by blink spieels: week 'n lappie in asyn en vryf jou spieels daarmee op vir 'n glashelder beeld.  Verlepte blomme kry ook  weer nuwe lewe deur 2 eetlepels asyn en 1 teelepel suiker vir elke liter water in 'n vaas te gooi.

Wanneer iets op die stoof oorgekook het en op die warm plaat beland en brand, strooi mildelik met sout - jy sal nie 'n brandreuk in jou huis he nie.  Indien daar wyn op jou mat mors, gooi dik met sout en laat staan sodat die sout die wyn kan absorbeer.  Suig die sout op en was soos gewoonlik.

As jy nie vuuraanstekers het nie, week lee karton eierhouers in kookolie en gebruik soos vuuraanstekers.  Haal verf of gom van jou hande af deur met olie in te vryf.

Hier is 'n heerlike bederfresep net reg vir die winter

WARM LEMOENTERT

375 ml meelblom, 50 gr botter, 250 ml suiker, 15 ml bakpoeier, 180 ml melk 1 ml sout, 3 eiers

Klits eiers goed. Voeg suiker geleidelik by en klits tot romering.  Bring melk tot kookpunt en smelt botter daarin.  Sif meel, bakpoeier en sout by eiermengsel en meng goed.  Gooi kokende melkmengsel by en meng goed.  Bak dadelik in matige oond van 180 gr C in groot gesmeerde bakskottel.  Wanneer gaar, haal uit oond, prik met vurk en gooi dadelik stroop oor

STROOP

500 ml suiker, 25 ml b otter, 250 ml water.  Kook saam vir 5 minute, laat effens afkoel en voeg by: 250 ml lemoensap en 10 ml gerasperde lemoenskil.  Bedien tert warm as nagereg of saam met tee.

Lekker bak en mooi bly

ESTELLE

 

 

 

Print
22
Apr

SKUD DIE VERLEDE AF

on Monday, 22 April 2013 15:33.

Sukkel jy om nuut te begin en die verlede agter jou te plaas? Moenie alleen voel nie, daar is niemand van ons wat nie met letsels van die verlede loop nie.  Daardie ontsierlike riwwe van seerkry en teleurstelling wat so ineengeweef met jou menswees is ...

Wonder jy wat die mense sal se as hulle jou verwonding sien?  Sal hulle nog vir jou lief wees en jou aanvaar?  Alles kom tot 'n einde, ook hierdie gesukkel om nuut en oor te begin.  Dit gaan dalk harde werk van jou kant af wees, maar dis die moeite werd.

Soos vrugtebome elke jaar gesnoei word om optimaal te produseer, so is dit ook belangrik dat ons die dooie en onvrugbare takke in ons lewens uitsny.  Gebruik jou tyd om op dinge te fokus wat regtig belangrik is.  Aanvaar die seisoene in jou lewe, dis deel van die gang van tyd.  Moenie bang wees om weer seer te kry nie.  Dikwels laat hierdie vrees mens sonder die energie om op die positiewe te fokus.  Aanvaar die realiteit en besef dat daar 'n toekoms vol positiewe dinge op jou wag.  Skuif die stuikelblokke eenkant toe en moenie bedreig voel en vrees dat jy onsuksesvol sal wees in jou strewe na 'n nuwe lewe nie.  Sien raak wat jou terughou, vermy negatiewe mense en omring jou deur mense wat positief in jou lewe kan bele.  Konfronteer jou probleme en besluit om jou fokus te verander: nie meer gister se dinge nie, maar nou en more se drome.  Maak die HERE deel hiervan en jy sal verseker suksesvol wees.

Baie seen  en voorspoed vir jou

ESTELLE

 

 

 

Print
20
Apr

REGEER JOU KINDERS - Vrydag 19 April2013

on Saturday, 20 April 2013 16:38.

Een van die moeilikste situasies om as ouer in te wees, die wanneer jy besef jou kinders regeer en beheer jou.  Jy raas, jy praat hard en later skree jy, maar jou opdrag word steeds nie uitgevoer nie.  Hulle kyk skaars van die rekenaarskerm of tv- skerm op wanneer jy praat.  Jy het geen gesag nie.  Wanneer dit vir hulle lyk of dinge nou hardhandig gaan word, en eers dan, kry jy reaksie.  Klink dit bekend?

Ek is seker die meerderheid ouers het bg sinario al beleef.  Maar wat doen jy?  Haal gerus jou hande uit jou hare, daar is 'n oplossing.  Dis nogal nie baie moeilik nie, maar wees gewaarsku: jy sal MOET konsekwent optree.

Jou eerste stap is om met hulle te vergader.  Kies 'n ander plek as jou huis, 'n plek wat hulle geniet en waar hulle kan ontspan.  Gesels het jou kinders en erken waar jy foute gemaak het in die opvoedingstaak.  Gee elkeen kans om te praat en werk 'n plan van aksie uit.  Elkeen kry huishoudelike take wat sy verantwoordelikheid is.  Indien jou kinders nou reeds tieners is, is dit nog nie te laat nie.  Hulle moet leet om verantwoordelikheid vir sekere take te aanvaar, bv kombuis skoonmak, eie kamers en kaste netjies hou, die vullisblik te verwyder.  Indien jou kind sakgeld kry en sy take is nie gedoen nie, hou sy beloning terug.  As hy nie sakgeld kry nie, neem sy gunsteling aktiwiteit bv. selfoon, rekenaar of dit waarmee hy baie tyd spandeer, weg totdat hy luister.  Hou by dit wat julle bespreek het en moenie ingee nie, selfs al ontstaan n rusie.  Dis 'n leerproses vir jou kind in verskeie aspekte: hy leer om onder gesag te staan, hy leer gehoorsaamheid en hy leer verantwoordelikheid.  Wanneer hy die dag uit die huis is, dan kan jy hom nie meer hierdie basiese beginsels leer nie.

Onthou om vir jou kinders te wys en te se jy het hulle lief.  Prys hulle ook wanneer hulle iets reg doen.  Moet nooit dat jou kinders voel hulle is oorbodig of jy gee nie om nie.  Sien hulle raak, en saai saam met dissipline ook liefde.

Ek vertrou julle as gesin sal saam die wa deur die drif trek en met triomf anderkant uitkom.

Mooi bly

ESTELLE

 

Print
19
Apr

WEES GESOND AS ANDER OLIK IS

on Friday, 19 April 2013 16:51.

Met die verandering van die seisoene is dit weer tyd vir verkoues en krankhede wat baie maklik versprei wanneer die seisoen verander.  Berei jouself voor sodat jy nie ook 'n slagoffer word nie.

Ontsmet oppervlakke behoorlik met bleikmiddel of skoonmaakmiddels wat 'n chlooroplossing bevat.  Maak ook seker dat jou selfoon, afstandbeheer en fone behoorlik skoongemaak word.  Kyk ook na jou rekenaar se sleutelbord.  

Moet  ook nie daardie multivitamiene vergeet nie!  'n Aanvulling help jou liggaam om teen vreemde indringers te veg.  Kry genoeg slaap, wanneer jy te min slaap kan dit jou immuunstelsel verswak.  Griepinentings is baie belangrik, veral vir ouer mense en persone wat geneig is tot verkoue en griep.  Hou jou hande skoon!! Baie belangrik om wanneer jy jou hande was, jy ten minste 20 minute lank was met seep en skoon water.

Ek wens jou 'n gesonde wintertyd toe.

ESTELLE

 

Print
17
Apr

Die Kranksinnige Kringloop in die Huwelik

on Wednesday, 17 April 2013 19:05.

In vandag se VONKELVROU, met dr Tessa van Wyk by my in die ateljee, was die onderwerp DIE KRANKSINNIGE KRINGLOOP IN DIE HUWELIK.  Dieselfde foute wat oor en oor gemaak word, die feit dat huweliksmaats nie meer wedersydse respek vir mekaar het nie en die kwessie van elkeen se rol en plek in die huwelik.  Wat moet die vrou doen om haar huwelik te laat slaag.  Hier is een aspekte wat verseker aandag moet kry van die vrou se kant af.

Die Bybel se in Ef 5:33 vrouens moet hulle mans onderdanig wees, dit beteken vroue moet hulle mans respekteer.  Wanneer 'n man die respek van sy vrou ervaar, sal hy haar ook liefhe.  Die man is die hoof van die huis, die een wat moet beskerm, fisies en finansieel.  Deur jou man te waardeer, in hom te glo en hom by te staan is baie belangrik vir 'n suksesvolle huwelik.  Heel dikwels gebeur dit dat daar verwydering tussen man en vrou kom, en heel dikwels is die oorsaak dat wedersydse respek ontbreek.  Dit word 'n bose kringloop wat homself oor en oor herhaal: die man voel nie gerespekteerd nie en die vrou voel nie geliefd nie.  Respekteer jou man en hy sal nie anders kan as om jou as sy vrou lief te he nie.

Herstel hierdie wanfunksie en kyk wat is die resultaat.  Onthou daar is geen kitskuur nie, dit verg harde en toegewyde werk om jou huwelik te laat slaag.  Waardeer jou man, se vir hom dankie vir sy harde werk, sien raak wat hy doen en wag vir die dividende wat jy sal kry.

Volgende week kyk ons na die man en wat hy moet doen om van sy huwelik 'n sukses te maak.  Jy is welkom om vir Dr Tessa te kontak, haar nr is 082 804 9886.

Alles van die mooiste

ESTELLE

 

Kontak Vonkelvrou

captcha
Reload