Luister Aanlyn

Luister Lichvaal Stereo aanlyn enige plek in die wereld van Duitsland tot Dubai!

Luister Nou Epos na Ateljee

Mark Aanwysers

Vonkelvrou

Marlette, die Vonkelvrou van Lichvaal Stereo nooi jou vriendelik om elke weeks oggend om 9 uur by haar aan te sluit vir 'n verskeidenheid onderwerpe. Maandae raak ons stil en kry kos vir die siel, Dinsdae bak en brou ons, Woensdae leef ons gesond, Donderdae praat ons oor alles en nog wat en Vrydae kuier ons by ons kontrei se mense; oud en jonk. Kom lag, leer, leef en "vonkel" saam my, Marlette, in Vonkelvrou.

Print
24
Jul

DIE TRAUMA VAN BANKROTSKAP

on Wednesday, 24 July 2013 17:03.

Dr Tessa van Wyk deel vandag met ons waarhede romdom bankrotskap.

Om bankrot te speel en alles te verloor, om van vooraf te begin en die wereld weer in die oe te kyk is baie moeilik.  Gewoonlik word bankkrotskap as mislukkig ervaar en beskou. Ons definieer onsself deur ons werk, wat gaan mense se oor my mislukking, ek voel waardeloos, ek is bang, voel onbevoeg en kan nie mense in die oe kyk nie.  Dis wat deur mens se gedagtes gaan wat die trauma van bankrotskap beleef.  Die finansiele implikasie is baie groot en dan is daar soms ook gevoelens van selfdood - die dood is beter as om mense in die oe te kyk.

Mislukking is alleenlik wanneer jy besluit dit is 'n mislukking.  Wanneer mens 'n fout maak (wat normaal is) hang dit alles van jou interpretasie van daardie fout af.  Besef niemand is perfek nie. 'n Fout of verkeerde keuse maak nie van jou 'n mislukking nie. 

Wat moet jy doen as jy wel deur 'n sekwestrasie of bankrotskap gegaan het, of nog gaan? Verander die persepsie oor jouself, van leuen na waarheid. Praat met iemand oor jou emosies, iemand wat jy kan vertrou. Erken jou emosionele pyn en laat jouself toe om te genees. Gaan kyk wat verkeerd geloop het en waar jy foute gemaak het, leer hieruit. Beplan vir die toekoms, oefen, leer weer lag.  Gee jouself toestemming om wel te kan fouteer, maar staan weer op en gaan aan. Die belangrikste is die opstaan, die weer probeer. 

Staan mense by wat deur dieselfde ondervinding as jy gegaan het, en onthou die lesse wat jy geleer het.  Vertrou GOD vir 'n nuwe begin, 'n herstel en 'n oorbegin, al is die die hoeveelste keer.

Daar is hoop, glo in jou self en begin lewe.

Dr Tessa van Wyk se kontaknommer is 082 804 9886.

Met baie liefde

ESTELLE

 

Print
24
Jul

TAMATIES EN EIERVRUG

on Wednesday, 24 July 2013 16:49.

Gesonde groente is ononderhandelbaar.  Tamaties is heel jaar vrylik beskikbaar en word in vele resepte gebruik, maar eiervrug is vir my die "afskeep-groentesoort".  EK wonder of dit die kwessie of van onbekend is onbemind?  'n Heerlike vinninge gereg is braai uie tot deurskynend, voeg jou eiervrugblokkies by, plaas deksel op en stoom vir ongeveer 10 minute.  Voeg hierby die helfte van 'n blikkie uiesmoor en kook deur. Geur na smaak.  Heerlik op roosterbrood of saam met gebakte eier.  Nog 'n baie lekker eievruggereg is die volgende:

GEVULDE EIERVRUG

 4 eiervrugte, 2 medium uie, gekap, olyfolie, 6 - 8 tamaties, 2 knoffelhuisies (of meer as jy wil) fyngedruk, soiut en varsgemaalde swartpeper.

Voorverhit ond tot 200 C. Sny eiervrugte in helfte en laat le 'n halfuur in sout water.  Skep die binnekant uit en kap in blokkies. Braai ui in olie tot sag, voeg 3 gekapte tamaties by asook knoffel  en eiervurgblokkies. Geur. Braai vir ongeveer 10 minute. Plaas die halwe eiervrugte in oondbak en skep vulsel in. Sny orige tamaties in skywe en plaas bo-op.  Gooi water in bak en bak ongeveer 1 uur. Rasper cheddarkaas bo-oor of sprinkel met vars fyngekapte pietersielie.

Lekker kook.

ESTELLE

 

Print
17
Jul

DISFUNKSIONEEL OF ONGESKIK?

on Wednesday, 17 July 2013 16:33.

Dr Tessa van Wyk het vandag met ons gesels oor disfunksionele- en ongeskikte gedrag.  Wat is disfuksionele gedrag? Dit kan gedefineer word as 'n gedrasg was onwelvoeglike aksies of reaksies het.  Dit gaan gewoonlik saam met 'n kognitiewe beskadiging (negatiewe of verkeerde denke).  Dit weerhou ook 'n persoon daarvan om normaal deel te neem aan elke dag se sosiale verhoudings, kan nie 'n werk hou nie en is onproduktief.

Tipiese disfunksionele gedrag sluit in gemoedsverandering (mood swings) fisiese aanranding, manupilasie, verkleinering, lag vir iemand in sy gesig, blameer ander, noem name, valse beskuldigings, afpersing, histerie, beheervraat, stilstuipe en sny iemand doelbewus uit geselskap.

Ongeskikte gedrag is om onbeskaaf te wees, mense te beledig, ongemanierd en onplesierig.  Dit is ook moedswillig, die hele tyd op die aanval en gevaarlik.  Tipiese ongeskikte gedrag is blameer almal (dit-is-nie-my-fout-nie-sindroom) passief aggresief, woedeuitbarstings, lag vir iemand in die publiek, manupilasie, impulsief, histeries, afpersing, valse beskuldigings, verkleineer, saboteer en fisiese aanranding.

Onwelvoeglike gedrag (veral in skole) word gedefinieer as slaan, skop, krap, kopstamp, knyp, byt, rond stamp, voorwerpe na iemand te gooi, hare trek en spoeg opmekaar.  Hierdie gedrag vind ons ook by grootmense in die werksplek, in die publiek en onder mekaar.

Die norm is om ordentlik, gaaf en beskaaf te wees.  Dit is om aangenaam en tegemoedkomend op te tree al is die situasie negatief (bv in 'n lang ry in die bank).

Dit is baie belangrik om mekaar in ag te neem, elke situasie na beste van jou vermoe te hanteer en ook 'n goeie voorbeeld vir jou kinders te stel.  Plaas jou in 'n ander persoon se situasie voordat jy volgende keer jou humeur verloor of onbeheerbaar optree.  Ons is almal menslik en maak foute, kom ons neem mekaar in ag en neem verantwoordelikheid vir ons optrede.

Mooi bly

ESTELLE

Print
16
Jul

HEERLIKE GEELWORTELS

on Tuesday, 16 July 2013 15:12.

Die nederige geelwortel wat soms oor die hoof gesien word, is 'n groentesoort  propvol vitamiene en minerale en ook baie vesel.  Vitamiene A, C, Vitamien K, B1, B3, B6, fosfor, potassium en vesel is van die voedingstowwe wat in geelwortels is.  In plaas van 'n soetkoekie of lekker, gee jou kinders geelwortels om aan te peusel, dis 'n baie waardevolle plaasvervanger.

Ek deel met jou 'n resep vir 'n smaaklike wortelgereg.

WORTELPASTEI

 500 ml gerasperde geelwortels, 2 eiers, 24 ml suiker, 25 ml botter, 80 ml melk, 250 ml koekmeel, 10 ml bakpoeier, 250 ml sultanas.

Klop botter en eiers saam. Voeg melk, meel en bakpoeier by. Roer wortels en sultanas in. Bak in gesmeerde glasbak vir 60 min teen 180 gr C.

GEELWORTELKOEKIES

 500 gr geelwortels, 1 ekstra groot eier, 30 gr korente of sultanas, 125 mk koekmeel, 5 ml bakpoeier, 1 ml sout, olie vir  vlakbraai.

Skil wortels en kook gaar.  Maak fyn, laat effens afkoel en voeg eier en orente by.  Sif koekmeel, bakpoeier en soiut by. Meng goed en skep teelepels vol in vlak, matige olie tot gaar aan beide kante.  Dreineer op kombuispapier, strooi kaneelsuiker oor en sit warm voor.

Onthou: moenie vergeet om geelwortels in jou kruideniersmandjie te pak nie.

Liefde

ESTELLE 

 

Print
09
Jul

WILDSVLEIS-MARINADE

on Tuesday, 09 July 2013 20:29.

Wintertyd is wildsvleistyd. Heerlike geregte en koesterkos wat so eie is aan die winter. 
As jy 'n wildsvleisliefhebber is sal jy verseker 'n arsenaal wildsresepte he.  Ek deel graag met jou hierdie heerlike resep vir 'n besondere marinade vir wild.

MARINADE VIR WILDSVLEIS

 375 ml rooiwyn of 125 ml asyn en 250 ml water gemeng, 100 ml olie, 25 ml bruinsuiker, 1 ml fyn naeltjies, 12,5 ml fyn, gebrande koljander (opsioneel) 6 heel peperkorrels, 3 lourierblare, 2 uie, gekap, 2 knoffelhuisies, gekneus.

Meng al die bestanddele saam en plaas vleis daarin.  Marineer 6 - 8 ure en draai gereeld om.

Lekker eet!

Groete

ESTELLE

Kontak Vonkelvrou

captcha
Reload