Luister Aanlyn

Luister Lichvaal Stereo aanlyn enige plek in die wereld van Duitsland tot Dubai!

Luister Nou Epos na Ateljee

Mark Aanwysers

Vonkelvrou

Marlette, die Vonkelvrou van Lichvaal Stereo nooi jou vriendelik om elke weeks oggend om 9 uur by haar aan te sluit vir 'n verskeidenheid onderwerpe. Maandae raak ons stil en kry kos vir die siel, Dinsdae bak en brou ons, Woensdae leef ons gesond, Donderdae praat ons oor alles en nog wat en Vrydae kuier ons by ons kontrei se mense; oud en jonk. Kom lag, leer, leef en "vonkel" saam my, Marlette, in Vonkelvrou.

Print
18
Aug

DEPT MAATSKAPLIKE ONTWIKKELING

on Sunday, 18 August 2013 18:07.

Maatskaplike Werkers, Ronel Hefer en Ouma Makokwe was vandag my ateljeegaste.  Ons het weer gesels oor kinders en die groot rol wat opvoeding in ouerhuise speel.

Daar is ook gekyk na die gebruik van dwels, die kort- en langtermyn effek en die behandeling en rehabilitering van dwelmgebruikers.

Dis jou as ouer plig om jou kinders op te voed en reg te leer.  Onthou daar is 'n baie dun grenslyn tussen aanranding en tugtiging.  Tug jou kinders, ontneem hulle van voorregte bv selfone of TV, maar moenie jou kinders aanrand in die tugtigingsproses nie.  Kyk na jou kind se gedrag en optrede, neem sy pseroonlikheid in ag en dissiplineer hom daarvolgens.

Indien jy enige raad of hulp verlang, kontak vir Ronel Hefer 079 874 1409.  Jy kan ook die Departement Maatskaplike Ontwikkeling kontak - 018 632 1010/3022.  Hulle kantore word gehuisves in die Ou Elgro Hotel Lichtenburg.

Maak jou kind verantwoordelik groot en gee onvoorwaardelike liefde.

ESTELLE

 

 

Print
18
Aug

DIE GESIG VAN 'N VROU

on Sunday, 18 August 2013 17:27.

Waaroor gaan die gesig van 'n vrou? 

Dr Tessa van Wyjk deel vandag met ons oor hierdie ondewerp.  Die amptelike beskrywing van die fisiese gesig is die voorste gedeelte van die kop wat al die sintuie huisves, reuk, gesig, hoor.  Ook die mond wat ons gebruik om mee te praat en die kakebveen wat kan kou.  Die anatomie van die gesig is baie belangrik om die gedrag, funksies en vir voorkoms van gesigsuitdrukkings te verstaan.

Die gesigsuitdrukking vertel ons baie van die karaktereienskappe van 'n persoon, 'n boodskap uit die persoon se binneste.  Die nie-verbale kommunikasie is geweldig belangrik want jou gesig kan n sekere gemoed uitdruk sonder om 'n woord te se, of dit kan 'n sekere sentiment wat jy as persoon aan iets of iemand heg, uitdruk.

Onwillekeurig ontstaan die vraag of daar te veel klem op uiterlike skoonheid gele word.  In baie gevalle is dit die waarheid, kyk maar in enige tydskrif.  Dit help nie jy spandeer bauie geld aan uiterlike skoonheid en binne jouself is jy lelik nie.  Daar moet ook 'n mooi innerlike wees wat dan jou uiterlike skoonheid gaan beklemtoon.

Wat kan mens alles op 'n vrou se gesig sien: vrees, bekommernis, minderwaardigheid, woede onvergewensgesindheid, maar ook vrede en vreugde.

Watter innerlike skoonheid is nodig om jou voorkoms te verander? Geloof, die kalmerende uitwerking van gebed, die skoonheid van selfaanvaarding, die grasieuse skoonheid van vergifnis en liefde, en jou pragtige persoonlikheid.

Dr Tessa vabn Wyjk se kontaknr is 082 804 9886 en haar e-pos is doctessa@gmail.com.

Gebruik jou persoonlikheid om lief te he en iemand te bereik, glimlag en wees lief vir mekaar.

Met baie liefde aan JOU.

ESTELLE

Print
13
Aug

WEER VLEIS!!

on Tuesday, 13 August 2013 19:39.

Die laaste deel van ons vleisprogram.  EK deel met jou 'n heerlike en maklike vleisbroodjie. 

125 ml bruinrys, 1 ui gerasper, 500 gr maalvleis, 1 groot wortel fyn gerasper, 4 pikantrissies fyn gekap, 1 wiel fetakaas gekrummel, 30 ml tamatiesous, 15 ml worcestersous, 1 groot eier geklits, 30 ml vars gekapte pietersielie, 500 ml kersietamaties.

Kook rys tot gaar.  Voorverhit oond tot 200 C.  Smeer broodpan van 10 cm x 20 cm en voer uit met bakpapier, laat kante oorhang.  Meng al die bestanddele saam behalwe kersietamaties.  Skep in broodpan en druk baie goed vas, bedek met foelie en bak 60 min tot ferm.  Laat staan 10 minute. Braai tamaties is pan, strooi sout en peper op en skep bo-op vleisbroodjie.  Bedien met kapokaartappels.

Die broodjie vries uitstekend.  Jy kan dit ook in individuele porsies (snytjies) vries vir latere gebruik.

Lekker kook!

ESTELLE

Print
12
Aug

OPSTAAN NA VAL

on Monday, 12 August 2013 20:22.

Past Dawie Senekal van die Christen Lewe Gemeente is saam met my aan die woord, en die tema is iets waarvan geen mens kan ontkom nie.  Hoe staan jy op as jy geval het?

Die grootste fout wat mense maak is om te dink hulle kan op hulle eie krag staatmaak en opstaan.  Dis 'n onbegaanbare taak en jy moet jou afhanklikheid van God besef.  Dis baie belangrik om jouself te vergewe en ander te vergewe.  Dalk sukkel jy met selfvergifnis.   Onthou dat God vergewe as jy opreg voor Hom staan en dus moet jy jouself kan vergewe.  Jy voel dalk baie onwaardig en dis moeilik om jouself te vergewe.  Maar dis iets wat jy moet doen, net soos wat jy ander moet vergewe.  Moenie jouself as 'n mislukking beskou nie.  Die Here het 'n plan en doel vir jou lewe.

In Matt 18 lees ons van vergifnis, Jesus stel self die voorbeeld.  Ons almal het gesondig, ons almal doen elke dag dinge wat nie reg is nie, al is dit net 'n verkeerde gedagte.  Deur Jesus se voorbeeld in die WOORD word ons geleer om te vergewe en vry te spreek.  Deur Sy bloed en kruisdood het Hy dit moontlik gemaak dat ons vergewe word. 

Jy wil dalk met iemand gesels oor bg onderwerp of oor dinge wat jou pla.  Past Dawie Senekal se kontaknr is 083 287 0107.

Seen vir jou.

ESTELLE

Print
12
Aug

VROUEREGTE

on Monday, 12 August 2013 20:07.

Vrydag, 9 Augustus 2013 is Vrouedag.  Met dit ingedagte, praat Dr Tessa van Wyk vandag met ons oonr Vroueregte.

Wat is Vroueregte? Polities gesien is Vroueregte se definisie die poging om gelyke regte vir vrouens te verseker en om die geslagsdiskriminasie van die wet, institusies en gedragspatrone te verander.  Die Vroueregte-beweging het jare terug begin op aanvraag van sekere vroue vir die reg om te stem en vir dieselfde wetlike regte as mans.  Die regte soos respek in die werksplek, dieselfde salaris vir dieselfde werk en die reg om eiendom te besit.  Dit word ook verder geneem na die vrou se reg om haar gesin se grootte te beheer en self daaroor te besluit.

Oor die jare heen word daar verwys na die vrou as die swakker geslag.  Fisies is ons die swakker geslag, maar oor die jare heen is daar ingekoop in die leuen as die swakker geslag en dat jy as vrou nie regte het nie.  Die vrou moet altyd stilbly en haar man se mishandeling en haar verontregting hanteer.  Die vrou moet die man altyd tevrede stel en aan sy vereistes voldoen.  Dit het in baie gevalle daartoe gelei dat die vrou geen stem gehad het nie en net harder moes werk om sy goedkeuring te kry.

Baie vroue glo steeds so vandag maar baie vroue het daarteen begin opstaan.  Die vrou het 'n reg tot haar eie lewe en dit moet erken word.  Jy as vrou het die reg om vervuld te wees en God se plan vir jou uit te leef.  Jy MAG voluit lewe.  Jy MAG droom en besef God het 'n plan vir jou. Jy het bestaansreg, begin jouself waardeer en bederf jouself so af en toe.  Neem jou lewe terug en wees getrou aan jouself en aan God. Leef jou passie uit.

GENIET jou vrouwees.

Dr Tessa van Wyk se kontaknr is 082 804 9886.

Mooi bly

ESTELLE

 

 

Kontak Vonkelvrou

captcha
Reload