Luister Aanlyn

Luister Lichvaal Stereo aanlyn enige plek in die wereld van Duitsland tot Dubai!

Luister Nou Epos na Ateljee

Mark Aanwysers

Vonkelvrou

Marlette, die Vonkelvrou van Lichvaal Stereo nooi jou vriendelik om elke weeks oggend om 9 uur by haar aan te sluit vir 'n verskeidenheid onderwerpe. Maandae raak ons stil en kry kos vir die siel, Dinsdae bak en brou ons, Woensdae leef ons gesond, Donderdae praat ons oor alles en nog wat en Vrydae kuier ons by ons kontrei se mense; oud en jonk. Kom lag, leer, leef en "vonkel" saam my, Marlette, in Vonkelvrou.

Print
28
Aug

DIE SAGTHEID VAN 'N VROU

on Wednesday, 28 August 2013 19:10.

Die vrou het 'n spesiale gawe van God ontvang, en dit is haar sagtheid wat so deel is van vrouwees.  Dr Tessa van Wijk deel vandag met ons oor hierdie besondere eienskap van 'n vrou.

Baie vroue is soms hard en ongenaakbaar, beheervrate wat almal wil regeer.  Hoekom?  Baie vroue voel emosioneel onveilig, word dalk deur hul mans mishandel, fisiek en emosioneel.  Hulle het 'n lae selfbeeld, of is baie statusbewus.  Vroue wat nie genade ken nie, is wrede vroue en vroue wat nie kan vergewe nie, is gevaarlike vroue.  Dinge wat met sagtheid kan inmeng is angstigheid, bitterheid, aanhoudende gekla, onvoorspelbaarheid, altyd geirriteerd.

Die vraag kom onwillekeurig by mens op: hoe moet 'n vrou wees?  God het vroue gemaak om sag en teer te wees, beleefd, vergewensgesind, genadig.  Daar is min dinge wat met 'n vrou se genade vergelyk kan word.  'n Vrou se sagtheid le ook daarin om in vrede met God te lewe, haar man en kinders kan rus by haar vind.  Dit is wat God in ons as vroue ingebou het.

Om te dien is een van die redes vir haar sagtheid.  Om haar man en kinders sterk te maak, om te versorg, lewe te gee, waardig op te tree en rigting aan emosie in die huis te gee. 

Het jy dalk jou sagtheid as vrou verloor en wonder jy hoe kry mens dit terug?  Gaan kyk na jou verwonding, deel met jou pyn, vergewe.  Hou op om te beheer, wees genadig teenoor ander en ook teenoor jouself.  Die binnekant van 'n vrou is waar die sagtheid begin.  Maak jou uiterlike mooi, maar tooi ook jou innerlike met God se genade.

Dr Tessa van Wijk se kontakbesonderhede:  selnr 083 804 9886.  Stuur vir haar 'n epos:.doctessa@gmail.com, of Twitter @askdoctessa.

Geniet jou vrouwees.

ESTELLE

Print
27
Aug

VOEDSELSENSITIWITEIT

on Tuesday, 27 August 2013 14:22.

Die vasstelling van 'n allergiese toestand of spesifieke onverdraagsaamheid vir 'n sekere voedselsoort mag vir baie persone of ouers groot kopsere veroorsaak.  Om altyd op jou hoede te wees en seker te maak dat daar nie verkeerde kosse geeet word nie, is 'n voltydse saak.  Wanneer jy produkte aankoop, maak seker dat die inligtingsetikette gelees word en beveilig jouself op hierdie manier.

Hier is 'n resep vir 'n aartappelkors wat jy met die grootste vrymoedigheid kan maak.  Dis vry van koring, gluten, mielies, gis en skimmel, melk soja en kleur- en preserveermiddels.  Jy kan dit gebruik vir pasteikors, pizzas en selfs souttert.

AARTAPPELKORS

 500 ml koue, gaar fyngedrukte aartappels, 125 ml sagte melkvrye margarien, 2 groot eiers geklits, 500 ml aartappelmeel, 4 ml koeksoda, 6 ml kremetart, 2 ml sout

Meng die aartappel en margarien tot glad. Roer die eiers by, voeg droe bestanddele by en meng tot sagte, nie-klewerige deeg.  Bedek en verkoel tot benodig.

Hierdie deeg vries baie goed.

Smaaklike ete!

ESTELLE

 

Print
21
Aug

MINDERWAARDIGE VROU, ONGEAG ...

on Wednesday, 21 August 2013 20:09.

Vandag se VONKELVROU het gehandel oor: VROUENS WAT MOOI KLERE EN DUUR JUWELE GEBRUIK OM MINDERWAARDIGHEID WEG TE STEEK.

Dr Tessa van Wyjk het gepraat oor die feit dat BAIE vroue, ongeag skoonheid, besittings of aardse skatte, aan geweldige minderwaardigheid ly.  Wanneer al bg weggeneem word, bly daar net 'n onseker en minderwaardige vrou oor.  Baie vroue skuil agter  hulle eggenoot se sukses en dra die swaar las van verwonding en onsekerheid vir jare saam met hulle, 'n geheim waarvan net hulle bewus is.

Waar word 'n mens se eiewaarde gevorm? Van voor geboorte af.  Die baba voel sy mamma se emosies aan en dit word deel van hom.  Voorgeboortelike verwerping vorm 'n integrale deel van menswees.  Jou eiewaarde word ook gevorm op skool, wat ander van jou se, hoe geliefd of aanvaarbaar jy voel en wat jy van jouself dink.

Onthou egter altyd dat elke mens uniek geskape is.  Jy as vrou is baie spesiaal met eienskappe wat eie aan jou is.  Moenie in die leuen inkoop dat jy geen waarde het nie.  Koester jou vrouwees, koester jou eie waarde, dit wat GOD jou gemaak het om te wees.  Wees die beste wat jy kan wees en maak vrede met die feit dat jy nie volmaak is nie, GEEN mens is volmaak nie.  Ons almal het foute en gebreke, maar wees lief vir jouself en dra dit oor aan jou kinders. 

JY is spesiaal!

Vir meer inligting oor bg onderwerp of indien jy met Dr Tessa wil gesels: 082 804 9886 of stuur vir haar 'n epos www.doctessa@gmail.com

Tot volgende keer

ESTELLE

Print
21
Aug

EET VEGETARIES

on Wednesday, 21 August 2013 19:52.

Met die skryf van gister se resep het die drukkersduiwel ingesluip en ek het 'n liederelike spelfout oorgesien.  Dit moet lees VOEDSELINTOLLERANSIE!  Jammer vir die fout.

ESTELLE

Print
21
Aug

EET VEGETARIES

on Wednesday, 21 August 2013 19:48.

Die volgende 2 weke gaan Ari Welman en ek, Estelle Swanepoel, vegetariese resepte met jou deel.  Ons gaan ook kyk na voedselintallerasie-resepte en resepte vir diabete.  Luister na VONKELVROU om 09.00 vm elke dag op die senders van LICHVAAL STEREO 92.6 fm, en onthou Dinsdae is kosmaakdag.

SAMPIOENE MET PARMESAAN-POLENTA

200 ml gougaar-polenta, 80 ml botter, 1 ui, dun skyfies gesny, 2 knoffelhuisies fyngedruk, 750 gr sampioene gesny, 50 ml parmesaankaas gerasper, skaafsels parmesaankaas om voor te sit, olyfolie vir oordrup, 'n takkie pietersielie vir garnering.

Maak polenta gaar volgens aanwysings op pakkie.  Sit deksel op en hou op baie lae hitte.  Verhit botter in pan en voeg ui en knoffel by.  Soteer 3 min lank.   Voeg sampioene by en soteer 5 - 8 minute tot amper sag.  Geur, sit deksel op en laat 5 minute saggies prut.  Indien polenta te dik is, voeg bietjie kookwater by en roer goed.  Roer res van botter en kaas by.  Bedien met parmesaanskaafsels en pietersielie.  Jy kan ekstra olyfolie bo-oor drup.

Geniet!

ESTELLE

Kontak Vonkelvrou

captcha
Reload