Luister Aanlyn

Luister Lichvaal Stereo aanlyn enige plek in die wereld van Duitsland tot Dubai!

Luister Nou Epos na Ateljee

Mark Aanwysers

Vonkelvrou

Marlette, die Vonkelvrou van Lichvaal Stereo nooi jou vriendelik om elke weeks oggend om 9 uur by haar aan te sluit vir 'n verskeidenheid onderwerpe. Maandae raak ons stil en kry kos vir die siel, Dinsdae bak en brou ons, Woensdae leef ons gesond, Donderdae praat ons oor alles en nog wat en Vrydae kuier ons by ons kontrei se mense; oud en jonk. Kom lag, leer, leef en "vonkel" saam my, Marlette, in Vonkelvrou.

Print
16
Oct

ONWEERSTAANBARE SJOKOLADE !!

on Wednesday, 16 October 2013 20:16.

Baie min mense kan nee se vir sjokolade.  Wat is lekkerder as heerlike sjokoladekoek, sjokolade-kaaskoek, sjokolade nagereg of 'n heerlike, sysagte, smullekker blok sjokolade! 

Ek deel graag met jou die volgende resep:

GEBAKTE SJOKOLADEFONDANT

 (met 'n ryk, sponsagtige buitekant en 'n sagte, taai binnekant)

50 g botter, 60 g donker sjokolade (nie baksjokolade nie, en verkieslik met 70% kakao) 1 eier, 1 eiergeel, 60 g strooisuiker, 60 g koekmeel, kakao vir strooi.

Voorverhit oond tot 180 C.  Smeer 4 klein ramekinbakkies met botter en bestrooi binne mildelik met kakaopoeier.  Smelt sjokolade en botter oor kookwater (dra sorg dat daar nie water in die sjokolade beland nie).  Laat afkoel tot lou. Klits intussen die eiers en suiker tot romerig en lig en klits sjokolade by.  Sif die meel by die mengsel en vou dit in.  Skep ewe veel deeg in bakkies en bak vir 15 minute.  Keer uit en bedien.  Versier soos verkies.

Lekker smul!

ESTELLE

 

Print
14
Oct

SIMPTOME, OORSAAK EN EFFEK VAN STRESS

on Monday, 14 October 2013 18:18.

Dr Tessa van Wijk praat vandag met ons oor stress: die simptome, oorsake en effek wat dit in ons lewe het.

Stress is 'n normale fisiese reaksie op insidente wat 'n persoon bedreig laat voel of wat jou balans op een of ander manier versteur. Jou liggaam se beskerming skop in, (die veg-, vlug- of vriesreaksie), dus kan ons se stress is die liggaam se manier om jou te beskerm.  Stress gee jou ekstra energie.  Daar is 'n vrou wie se kind in 'n voertuig vasgekeer was wat die voertuig opgetel het om haar kind te bevry.  Stress verskerp jou konsentrasie sodat jy uitdagings die hoof kan bied.

Wanneer stress jou gesondheid negatief affekteer, jou produktiwiteit aan bande le en jou kwaliteit van lewe sleg beinvloed, dan is dit negatiewe stress.

Sompotome van negatiewe stress is hartprobleme, ooreet, slaap sleg, konstipasie en verteringsprobleme, depressie, ekseem, kort van draad, jy voel oorweldig, verlies aan libido.

Die 10 hoogste  stressvolle gebeurtenisse in mens se lewe is o.a. die dood van 'n geliefde, egskeiding, verhuising, dood van familielid, tronkstraf, finansies, werkstress bv afdanking, aftrede.

Nie alle stress word deur eksterne faktore veroorsaak nie, dit kan ook intern wees, bv. menopouse, probleem met jou selfbeeld, onsekerheid oor die toekoms, onrealistiese verwagtinge, perfeksionisme, negatiewe selfdialoog, kan nie nee se nie.

Hoe hanteer mens stress?  Identifiseer jou probleem, evalueer jou stress deur te kyk wat jyself daaraan kan doen, gaan vir 'n mediese ondersoek en vind maniere van stressontlading.

Gaan gesels met 'n professionele persoon en vra raad.  Daar is hulp. Moenie dat stress jou onderkry nie.

Dr Tessa van Wijk se kontaknr is 082 804 9886.

Mooi bly.

ESTELLE

Print
01
Oct

HOEKOM LAAT VROUENS TOE DAT MANS OOR HULLE LOOP

on Tuesday, 01 October 2013 15:08.

Dis die vraag wat ons as vroue baie keer onsself afvra:  hoekom laat ons toe dat ander mense, en spesifiek ons mans, oor ons loop?

Dr Tessa van Wyjk som dit soos volg op:

Nog 'n vraag: wat is daar in ons vrouens dat ons nnie selfgeldend kan optree nie?  Volgens oorlewering is die vrou die onderdrukte een en ja en amen op alles se.  Die vrou is 'n sekssimbool - kyk bv in cowboy films, of die vrou is 'n regte hardekwas en duld niks van haar man nie. 

Alles die verkeerde persepsie wat van geslag tot geslag oorgedra word. DIe individu en vrouwees het erens tussen GOD se skepping en die samelewing verlore geraak. 

Hoekom probeer mans die vrou domineer?  Omdat hulle dikwels minderwaardig voel, oupa en pa hulle vrouens sleg behandel het en dit is die voorbeeld wat hy gekry het; soms om die vrou "op haar plek te sit", baie mans kan ontman voel a g v  afleggings by die werk of wanneer hulle besigheid misluk het.  Narscissime, wanneer die man as kind mishandel is, is ook dikwels 'n rede.

Wat wil ons as vroue eintlik vir mans se?  Sien ons raak,  onthou ons is vroue en hou nie altyd van rugby, 4 x 4 of aksieflieks nie.  Ons is sag en liefdevol, ons wil onafhanklik wees, ons persoonlikheid ontwikkel en in ons loopbane groei.  Ons wil ook gekoester word.

Wat wil ons vroue vir onsself se?  Hou op dat mense, ook jou eie man, oor jou loop.  Maak 'n bydrae, jy is baie meer waardevol as wat jy dink.  Wees onafhanklik en nie pateties nie en gee jou man die respek en eer wat hy verdien.

Geniet jou vrouwees.

Dr Tessa van Wyjk se kontaknr is 082 804 9886.

Mooi bly

ESTELLE

Print
01
Oct

LEKKER TUISKOS

on Tuesday, 01 October 2013 14:52.

Niks is lekkerder as bekende, smaaklike tuiskos.  Regte egte huiskos.  Probeer gerus hiedie frikkadelpastei vir 'n variasie op hgewone firkkadelletjies.

FRIKKADELLE

 750 g maalvleis, half pakkie uiesoppoeier, 50 ml tamatiesous, 1 eier, 25 ml water, 1 ml gemenge kruie

KORS

 375 ml koekmeel, 7 ml bakpoeier, 5 ml sout, 4 eiers, 375 ml melk, 50 ml gesmelte botter

Voorverhit die oond tot 180 C.  Smeer 'n vlakkerige oondvaste bak.  Meng al die bestanddele vir frikkadelle, maak balletjies en plaas in oondbak.  Sif koekmeel, bakpoeier en sout saam.  Klits die eiers tot skuimerig en klits dan melk en botter by.  Voeg meelmengsel by eiermengsel en klits tot glad.  Gooi beslag oor firkkadelletjies en bak pastei 50 - 60 min tot goudbruin.  Dien op saam met sous.

Lekker kook.

ESTELLE

Print
17
Sep

SMAAKLIKE SLAAI

on Tuesday, 17 September 2013 19:17.

Lente- en somertyd is sinoniem met heerlike, vars slaai.  Jy kan slaai as 'n hoofmaal voorsit met proteien as hoofbestanddeel, en jy kan selfs slaai as nagereg voorsit.  Gebruik altyd die varsste bestanddele en leer so ook jou kinders om vars groente en vrugte te eet. Moet ook nie die vars kruie vergeet wat enige slaai ekstra smaak gee nie! Niks is beter en gesonder as wat die natuur joun bied nie.  Ek deel met jou 'n heerlike nagereg-slaai:

PINA-COLADA PYNAPPELSLAAI

 1 vars pynappel of 220 g geblikte pynappel, 1 vars mango, halwe papaja, kwart koppie klapperroom, kwart koppie pynappelsap (stroop van geblikte pynappel) 2 eetl wit rum (opsioneel) geroosterde gedroogde klapper.

Skil pynappel en sny in mooi skywe of blokkies.  Doen dieselfde met die mango en papaja.  Plaas al die vrugte in 'n bak, meng die klapperroom, pynappelsap en rum en giet oor vrugte.  Versier met geroosterde klapper.

Heerlik en gesond.

Lekker kosmaak.

ESTELLE

 

Kontak Vonkelvrou

captcha
Reload